Tras ano e medio sen patrulla do oso, Medio Rural saca a concurso o seu rastrexo

O novo goberno do PP non o renovou e desde hai ano e medio deixou de funcionar a patrulla integrada por veciños dos Ancares.

A Consellería do Medio Rural sacou a concurso o seguimento, conservación e divulgación previstas no Plan de Recuperación do Oso Pardo en Galicia, por importe de 138.040 euros. Financiarao nun 70% o Fondo Europeo de Desenvolvemento Rexional. Ata o 2008 a Xunta adxudicaba por convenio á Fundación Oso Pardo o seguimento. O novo Executivo non o renovou e desde hai ano e medio deixou de funcionar a patrulla integrada por veciños dos Ancares.