Festa dá Pandeira en Piornedo reune tocadores dos Ancares de Lugo, Ibias e Bierzo

O encontro do instrumento mais tradicional dos Ancares



A pandeira é un instrumento musical parecido á pandereita, pero máis grande e que se toca dun xeito diferente. Nas montañas dos Ancares aínda queda xente que na súa mocidade tocaba este instrumento, un dos máis valiosos da tradición musical galega. Normalmente, eran as mulleres as que a tocaban, sobre todo nos bailes e nas vodas.

Precisamente, o obxectivo deste encontro é reunir a esas tocadoras e recuperar ese folclore que se atopaba no esquecemento, á vez que se valora o esforzo destas mulleres, xa que nalgúns casos percorren moitos quilómetros para estar presentes nesta festa. Para mañá está confirmada a presenza de 11 delas que veñen de Cervantes, Becerreá, Ibias, e dos concellos bercians de Ponferrada, Candín e Veiga de Espiñareda.


O encontro, organizado pola asociación cultural O Teixeiro e o investigador da música tradicional Juanjo Fernández, contará cun xantar no local da asociación no que se renderá homenaxe a todas estas tocadoras. 


Aquí tedes unha canción de Balouta feita con Pandeiras, polo grupo de Cantareiros Maghúa.