Reserva da Biosfera da Unesco, (LIC) Lugar de Interese da Unión Europea, (ZEPA) Zona de Especial Protección das Aves, Rede Natura 2000, Zona Protección do Urso (Oso Pardo), ZEPVN Zona Especial Protección dos valois naturais, Reserva Nacional de Caza....

¿CANDO O PARQUE NATURAL?
Mostrando entradas con la etiqueta reserva biosfera. Mostrar todas las entradas
Mostrando entradas con la etiqueta reserva biosfera. Mostrar todas las entradas

lunes, 23 de agosto de 2010

Caza e Pesca TV estrea unha serie sobre as reservas naturais da provincia de Lugo

Caza e Pesca TV (Digital+) estrea o luns 23 de agosto ás 19.00 horas unha serie de documentais producidos polo produtor Yago Mazoy e patrocinada pola Deputación Provincial de Lugo que aborda as Reservas da Biosfera da provincia de Lugo.

O documental que estrease este luns a canle estará dedicado á flora, fauna, costumes e paisaxes dos Ancares lucenses e montes de Navia, Cervantes e Becerreá (23 agosto, 19.00 horas), e será unha boa forma de gozar destes espazos exclusivos.

As Reservas da Biosfera son un recoñecemento internacional cara ás contornas humanas que permitiron a conservación de importantes valores naturais, en convivencia cos usos tradicionais. Así pois, son a representación tanxible do actual concepto de desenvolvemento sostible.


Presentada en tres capítulos de media hora de duración móstranse, a través de imaxes de gran vistosidade , algúns dos valores naturais e etnográficos das 3 Reservas da Biosfera da Provincia de Lugo. 'Terras do Miño', 'Os Ancares lucenses e montes de Navia, Cervantes e Becerreá' e 'Río Eo, Oscos e Terras de Burón'. Unha boa forma de gozar da fauna e a flora, os costumes e as paisaxes destes espazos exclusivos.


Emisions

domingo, 15 de agosto de 2010

Ancares bercians desprega un plan para que a Unesco apoie o seu turismo

Os Concellos de Villafranca, Veiga de Espinareda, Candín e Peranzanes ultiman un documento coa Ciuden para investir os primeiros 330.000 euros


O consorcio «Ancares, Reserva da Biosfera» iniciou a redacción dun plan estratéxico para a posta en valor da paraxe natural e o fomento da actividade turística na zona. O documento será remitido á Unesco antes de finais de ano para intentar obter respaldo institucional.

O obxectivo é que o plan estableza accións formativas e actuacións en defensa da conservación das paisaxes e os ecosistemas destes vales da comarca do Bierzo que comparte tamén territorio con Lugo. O documento, no que xa están traballando os Concellos de Veiga de Espinareda, Vilafranca do Bierzo, Candín e Peranzanes tamén debe establecer medidas para fomentar o turismo e o desenvolvemento económico da Serra dos Ancares, segundo adiantou o portavoz do consorcio e alcalde de Veiga de Espinareda, Santiago Rodríguez.

«Hai que presentar un plan estratéxico porque é unha demanda do Ministerio e da Unesco. En seis meses ten que estar confeccionado para polo en marcha canto antes. A idea é impulsar a formación e ver as posibilidades de futuro, que eu creo que son moitas en canto a turismo, natureza, gandería e todo tipo de actividades que axuden a desenvolver a zona», explicou o mandatario municipal.

O consorcio para a protección destes valores naturais bercianos ultima tamén a integración da Fundación Cidade da Enerxía de Ponferrada neste proxecto, para desenvolver iniciativas que contribúan a potenciar a investigación e a mellora da Reserva da Biosfera dos Ancares. O consorcio considera que a entrada da Ciuden pode supor un importante motor para impulsar a Reserva de Ancares, xa que a fundación porá a disposición aos seus técnicos e todo o seu potencial de xestión administrativa ante diferentes organismos públicos.

Tamén concellos próximos como Arganza e Cacabelos mostraron o seu interese de integrarse no consorcio de «Ancares, Reserva da Biosfera», aínda que dependerá da Unesco e do Ministerio de Medio Ambiente. Os primeiros investimentos do Goberno nos Ancares suman os 330.000 euros.