Rio Ibias, rio negro!

No blog dos nosos vecins, Siempre Ibias, atopamos este adelanto do video-denuncia da situacion na que encontrase o concello de Ibias e o rio que dailles nome. 


En Ibias, un concello illado da montaña suroccidental asturiana, tamén conhecidos como os Ancares asturians e marcado por un profundo despoboamento e envellecemento da poboación, tentan sair do seu illamento a través do turismo rural e de disfrute da súa natureza aínda salvaxe e virxe. Mais a contínua e impune contaminación por parte dunhas minas de carbón do seu río, o Río Ibias, a alma deste territorio, fixo erguer aos seus habitantes contra a inxustiza.
O documental pretende ser un relato das posibilidades turísticas do concello de Ibias, os seus hándicaps territoriais e como a maior empresa radicada no seu espazo pode ser a causante da súa defunción.


Desde aquí o noso apoio a Ibias e os seus habitantes!



Si queredes atopar mais info no blog Plataforma Defensa Río Ibias

Os ecoloxistas piden 90 millóns para O Courel

Os técnicos e voluntarios da fundación Germán Estévez para a protección da natureza reclámanlle á Xunta de Galicia que invista 90 millóns de euros nun plan a dez anos para rehabilitar, promocionar turísticamente e crear postos de traballo no Courel, así como nos municipios limítrofes da Pobra do Brollón e Ribas de Sil.

Os ecoloxistas afirman que é necesario establecer plans de actuación en conxunto coa administración local e provincial para sacar adiante un proxecto de conservación dos valores naturais dun dos enclaves con maior diversidade biólogica de Galicia.

O colectivo tamén esixe que o castro do Vilar, situado no Courel, sexa declarado ben cultural e que se rehabilite a aldea próxima.

Así mesmo, piden que a fervenza de Vieiros e os sotos existentes na parroquia de de A Seara, no municipio de Quiroga, pasen a ter a catalogación de monumentos naturais e paisaxes protexidas.

A fundación Germán Estévez protagonizou duras críticas ao proxecto da empresa Iberdrola para ampliar a central hidroeléctrica de Santo Estevo.

Os ecoloxistas denunciaron que Iberdrola "está a tradear as paredes do río Sil desde fai máis dun ano" sen que se teñan en conta as numerosas queixas presentadas por diferentes colectivos no sentido de que están a causar "graves danos ambientais".

O portavoz do grupo Germán Estévez de defensa da natureza insistiu en dicir que a ampliación da presa acométese "sen ningún tipo de miramiento e co total beneplácito dos organismos competentes, dado que durante os dous secados do río non se mantivo un caudal mínimo".