Reserva da Biosfera da Unesco, (LIC) Lugar de Interese da Unión Europea, (ZEPA) Zona de Especial Protección das Aves, Rede Natura 2000, Zona Protección do Urso (Oso Pardo), ZEPVN Zona Especial Protección dos valois naturais, Reserva Nacional de Caza....

¿CANDO O PARQUE NATURAL?
Mostrando entradas con la etiqueta As Nogais. Mostrar todas las entradas
Mostrando entradas con la etiqueta As Nogais. Mostrar todas las entradas

viernes, 27 de agosto de 2010

Artigo na Voz sobre a torre de Doncos

A lenda di que un mouro secuestrou a unha dama e cortoulle a cabeza cando un cabaleiro ía darlle alcance.


Artigo da Voz.

Miles e miles de galegos pasaron a menos de medio quilómetro en liña recta do castelo de Doncos. Quizais o viron mentres acometían a entón dura subida ao porto de Pedrafita. E, con todo, cóntanse cos dedos da man os que descenderon ata el. Porque para chegar ao castelo de Doncos hai que baixar, curiosidade que algúns intentan explicar polo clima duro das montañas onde se asentan Pedrafita e O Cebreiro. Pero, entón, ¿que facían os romanos por alá arriba? Así que a primeira pregunta que se fai quen ousa aparcar o coche na hoxe deserta N-VI e admira, alá abaixo, a torre esvelta erguida nun pequeno promontorio é esa: ¿por que raios levantouse aquí a fortaleza e non arriba, onde a súa situación era máis estratéxica e o seu defensa máis fácil? Porque tal e como está semella polo menos vulnerable. Do mesmo xeito que o de Carbedo, no Courel, e outros cantos, Doncos vixiaba o paso. E do mesmo xeito que Carbedo e moi poquitos máis, defendía aos peregrinos ao seu paso polas montañas galaicas. Porque xa o nobre Von Küning advertía no século XV ?¡riquísimo testemuño o seu, que plasmou por escrito  "que había que beber o viño «con moito miramiento" en Vilafranca do Bierzo, posto que corría que daba gusto para facer soltar a lingua aos camiñantes, obter información e, en máis dun e máis de cen casos, logo esperalos na espesura desas montañas e quitarlles o que levaban.

Torre de 24 metros
O resumo é que se ignora cando se ergueu esta torre de mampostería de calcaria con pedras de granito nas escasas fiestras e saeteras. Sábese, si, que García Rodríguez de Valcarce, naquel momento adiantado maior do Reino de Galicia, tiña aquí o seu campamento base, e desde ela impuña a súa lei. Sábese tamén que na actualidade mide 24 metros de altura e apenas debeu de ter máis, que os seus muros teñen case 2 metros de grosor, que a planta é un cadrado de 8 metros de lado e que a porta de entrada tiña un dintel de granito do que carece.
Un último apuntamento: a torre hai que ir vela hoxe. A seguinte xeración non terá esa oportunidade, porque ao abandono total súmase un factor nada despreciable: é zona sísmica. Ou sexa, que virá abaixo en calquera momento. Así de cru, así de claro, así de lastimoso.
CÓMO IR
Nacional VI, subida desde As Nogais ata Pedrafita. A medio camiño éntrase en Doncos, sinalizado. á dereita aparece unha casa illada que foi taberna. Cen metros máis adiante, desvío descendente á mesma man.
DÓNDE COMER
Ningún sitio en Doncos, así que ou ben hai que baixar ata As Nogais (O Recuncho, 982 367 005, na N-VIN) ou ben se segue subindo ata O Cebreiro, onde a oferta se amplía.
DÓNDE DURMIR. HOSPEDERÍA SAN GIRALDO DE AURILLAC
IRECCIÓN | O Cebreiro, 27670 Pedrafita (Lugo). á beira da igrexa local
TELÉFONO | 982 367 125
HABITACIóNS | 6
PREZO | Entre 40 e 60 euros. Almorzo: 5. Comida: 12,5

lunes, 31 de mayo de 2010

As Nogais repartiu 1.100 racións na Feira da Empanada dos Ancares

A estabilidade atmosférica axudou este domingo 30 de maio á Asociación de Empresarios das Nogais (Adean) a que a V edición da Feira da Empanada, celebrada na localidade, fose todo un éxito de expositores e público. No recinto instaláronse 24 postos de todo tipo de produtos autóctonos, empezando pola empanada e terminando pola artesanía, pero sen esquecer os embutidos ou o pan.
Os organizadores distribuíron un total de 1.100 racións de produtos autóctonos da Montaña lucense e calcula que máis de 1.500 persoas percorreron a mostra ao longo de toda a xornada. A maioría dos visitantes eran veciños dalgún dos municipios da Montaña, pero a capacidade de convocatoria desta feira gastronómica aumenta ano tras ano e cada vez son máis os residentes en distintos puntos da provincia que deciden visitar a zona, aproveitando a celebración desta mostra de produtos tradicionais da alta montaña lucense.
O recinto feiral abriu as súas portas ás once e media da mañá, pero ata a unha non tivo lugar a recepción de autoridades. Asistiron, a delegada territorial da Xunta, Raquel Arias; o deputado de Infraestruturas e alcalde de Becerreá, Manuel Martínez, en representación da Deputación provincial; os alcaldes de Baralla, o popular Manuel González Capón, e As Nogais, o socialista José Luís Coedo, e o xefe territorial de Agricultura, Ramón Carballo.
A degustación tivo lugar a partir da unha e media da tarde. Cada ración incluía tres tipos de empanadas e queixo do Cebreiro. A comida estivo animada coa actuación do grupo de baile tradicional Abrente.
As empanadas mais eloxiadas da mostra foron a tradicional de liscos e a innovadora de cogomelos con gambas. Francisco García