Os Ancares morrense pouco a pouco, agora pecha o colexio de Donís

 Así o comunicou a Consellería de Educación ao profesorado e aos pais. Os alumnos, tres de Piornedo e dous de Suarbol (Lleón), serán trasladados ao CPI de Navia, cun desprazamento de 53 minutos de duración por unha estrada de montaña, sinuosa e estreita.

A viaxe a Navia xa foi ensaiado por unha inspectora de Educación nun microbús. A decisión da Xunta provocou indignación entre os pais de Donís e malestar entre os profesores, a cociñeira, a limpadora e a persoa que transporta aos nenos nun todoterreo.

Educación desatendeu incluso as suxestións da propia delegación de Lugo, que propuña aprazar o peche do colexio de Donís ao curso 2011-2012, cando o neno máis maior matriculado pasaría á ESO. En principio, Educación en Lugo dispuña que o CPI de Donís seguise aberto en 2010-2011 con xornada continuada para aforrar o comedor.

Os pais aceptaran o peche do colexio en 2011-2012 e a comunicación de que desaparecerá o próximo curso sentou como un xerro de auga fría.

A profesora Patricia Guerreiro, das Pontes, tamén considera que a viaxe por esa estrada de montaña é excesivo para os nenos. "Os nenos son moi pequenos e a viaxe non é unha broma. Onte [polo martes] fomos de excursión a Marcelle e ao balneario de Guitiriz e máis dun mareouse. Os pais están moi desgustados", engade a mestra.

A directora do centro de Donís, María José Blanco Fernández, lamentou que a zona rural e da Montaña lucense perda servizos, o que acentuará o despoboamento. "Estas familias da Montaña non teñen as mesmas condicións de igualdade que outras de Lugo. A continuidade do colexio sería boa para fixar poboación no rural". O Progreso